Bıylǵy astyq qaı naryqtarǵa eksporttalady

ASTANA. KAZINFORM — Bıyl jınalǵan mol astyqty saqtaýǵa arnalǵan qoımalar jetkilikti. Bul týraly QR Aýyl sharýashylyǵy vıtse-mınıstri Azat Sultanov málim etti.

- 27 mln tonna astyq jınaldy. Іshki naryqty nanmen jáne unmen tolyq qamtamasyz etýge 9 mln tonnasy jumsalady. Osy kólemdi eskere otyryp, eldiń eksporttyq áleýeti 12-13 mln tonna shamasynda bolady, - dedi A. Sultanov Parlament Májilisinde tilshiler suraǵyna jaýap bere otyryp.

Onyń aıtýynsha, bıylǵy astyqty eksportqa shyǵarý bastaldy.

- Bizdiń astyqty negizinen Ózbekstan, Tájikstan, Aýǵanstan alady. Memlekettik qoldaýdyń arqasynda jańa naryqtar ashyldy. Osy oraıda Afrıka men Eýropa elderi bar. Sondaı-aq Grýzııa, Ázerbaıjan jáne Iranǵa da astyq jiberdik. Bıyl osy naryqtarǵa ónimdi jetkizbekpiz. Josparda Ońtústik Azııa elderine eksporttaý eskerilgen. Qazir eksportqa shyǵaratyn kompanııalar daıyn, - dedi vıtse-mınıstr.

Onyń sózine qaraǵanda, Qazaqstan aýmaǵynda jalpy 30 mln tonna astyqtyq saqtaı alatyn qoımalar bar. Sonyń 13 mln tonnasy lıtsenzııasy bar elekvatorlarda saqtalady, al qalǵany sharýashylyqtarǵa tıesili qoımalarǵa jetkiziledi.

Eske salsaq, bir apta buryn 26,4 mln tonna astyq bastyrylǵany habarlandy.