Bıyldan bastap erikti jarnalar boıynsha tólemder ótinishsiz beriledi
ASTANA. KAZINFORM – 2026 jylǵy naýryzdan bastap BJZQ-da erikti zeınetaqy jarnalary esebinen tólemderdi ótinishsiz (proaktıvti) tártipte júzege asyrý engizildi.
Eger EZJ esebinen jınaqtaryńyz bolsa, zeınetkerlik jasqa jetken kezde tólemder BJZQ-ǵa jeke ótinish bermeı-aq avtomatty túrde taǵaıyndalady.
Bul kelesi jaǵdaılarda júzege asady:
— memlekettik bıýdjetten tólenetin zeınetaqyny rásimdeý kezinde
— mindetti zeınetaqy jarnalary jáne (nemese) mindetti kásiptik zeınetaqy jarnalary esebinen tólemderdi rásimdeý kezinde
Tólem tártibi:
* eger jınaq somasy eń tómengi zeınetaqynyń 12 eselengen mólsherinen aspasa — birjolǵy tólem retinde tólenedi (2026 jyly — 828 588 teńge)
* al eger odan kóp bolsa — mindetti jarnalar esebinen jasalatyn tólemdermen birge taýsylǵanǵa deıin aı saıyn tólenedi.
Qajet bolǵan jaǵdaıda, alýshy tólem tártibin ózgertý úshin BJZQ-ǵa júginýge quqyly.
Proaktıvti tártip zeınetkerlik jasqa jetken, biraq buǵan deıin EZJ esebinen tólemderge júginbegen tulǵalarǵa qoldanylady (sonyń ishinde 50 jasqa tolǵan nemese múgedektigi bar tulǵalar).
50 jasqa tolǵan nemese múgedektigi bar azamattar EZJ esebinen tólemderdi óz betinshe rásimdeı alady:
— enpf.kz saıtyndaǵy jeke kabınet arqyly
— mobıldi qosymshada
— Qor bólimshelerinde
Jańashyldyq tólem alý úderisin jeńildetýge jáne jınaqtardyń paıdalanylmaı qalý táýekelin azaıtýǵa baǵyttalǵan.
Aıta ketelik depýtat eńbek ótili negizindegi zeınetaqy úlgisine kóshýdi usynǵan edi.
