Bıyl jazda Baıanaýyldaǵy Jasybaı demalys aımaǵyna kelgen týrıster sany 200 myńǵa jetken
PAVLODAR. KAZINFORM - Kelýshiler sanyn anyqtaýǵa tsıfrlyq júıeler múmkindik beredi. Týrısterdiń basym bóligi Jasybaı kóliniń jaǵalaýyn tańdaǵan.
Kýrorttyq aımaqta 50 qonaq úıi jumys isteıdi. Maýsym bastalar aldynda sý aıdynynyń jaǵalaýy abattandyrylyp, ınfraqurylymy jańǵyrtylǵan. Al Sabyndykólde qoǵamdyq jaǵajaı men vızıt-ortalyq ashylǵan. Týrıster burynǵydaı Jasybaıda ǵana emes, Sabyndykólde shomylýǵa jıi baratyny anyqtalyp otyr.
Deıturǵanmen bıyl jazda Jasybaıǵa kelip demalǵandar sany ótken jyldarǵa qaraǵanda eselene túskeni baıqalǵan. Bir jazda 200 myńdaı týrıst baqylaý beketterinen ótken.
– Qazir baqylaý-ótkizý júıeleri avtomatty rejımde jumys isteıdi. Tólem tek QR-kodtar arqyly júzege asyrylady. Qolma-qol aqsha qabyldanbaıdy. Túsetin qarajat kólemine qarap, týrıster aǵynynyń artqanyn aıtýǵa bolady, - deıdi Baıanaýyl ulttyq tabıǵı parkiniń dırektory Almaz Jumashev.
Ulttyq parktiń málimetinshe, Jasybaı demalys aımaǵyna 2024 jyly - 161 myń, byltyr 190 myńnan astam týrıst kelgen. Al Sabyndykól men Toraıǵyr kóline ǵana baryp demalatyndar sany bul statıstıkaǵa enbeıdi.
Bıyl Baıanaýylǵa 300 myń týrıst keledi dep kútilip otyrǵanyn jazǵanbyz.
Sondaı-aq Baıanaýyldyń jeti keremeti týraly tanymdyq materıaldy oqı otyryńyz.
