Bıyl jazda Balqash kýrorttyq aımaǵyna qosymsha poıyzdar qatynaıdy
ASTANA. KAZINFORM – Aldaǵy jazda Balqashqa deıin 10 temirjol marshrýty uıymdastyrylady. Bul týraly Kólik mınıstrligi málim etti.
Vedomstvonyń málimetinshe, poıyzdar Astana, Semeı, Almaty qalalary men Qaraǵandy oblysynan (Moıynty, Saıaq) qatynaıdy.
1. №54/53 «Nurly jol – Dostyq» (aptasyna 2 ret);
2. № 254/253 «Nurly jol – Dostyq» (aptasyna 2 ret);
3. №122/121 «Nurly jol – Semeı» (jyl boıy, aıdyń jup kúnderde).
4. № 643/644 «Moıynty - Balqash» (kúnara);
5. № 605/606 «Qaraǵandy – Balqash» (kún saıyn);
6. № 6880/6879 «Balqash – Saıaq» (aptasyna 6 ret);
7. № 6877/6878 «Balqash – Moıynty» (aptasyna 6 ret);
8. № 6894/6893 «Balqash – Saıaq» (aptasyna 2 ret);
9. № 6817/6818 «Balqash 1 – Balqash 2» (kún saıyn).
Sonymen qatar, 1 maýsym men 31 tamyz aralyǵynda aıdyń taq kúnderi №219/220 «Qaraǵandy-Balqash» júrdek poıyzy qatynaıdy. Onyń quramyna 4 platskart jáne 2 kýpe vagon kiredi.
Avtomobıl kóligi:
Balqash kóline deıin «Ortalyq – Ońtústik» jol baǵyty arqyly tórtjolaqty jolmen júrýge bolady.
Astana qalasynan uzyndyǵy 217 shaqyrym «Astana – Qaraǵandy» jolyn ótip, odan ári uzyndyǵy 363 shaqyrym «Qaraǵandy – Balqash» joly boıynsha kýrorttyq aımaqqa jetýge bolady. Jol júrý ýaqyty shamamen 5-6 saǵatty quraıdy.
Uzyndyǵy 262 shaqyrymdy quraıtyn «Merki-Burylbaıtal» joly arqyly da jetýge bolady.
Balqashqa Lepsi aýyly arqyly balamaly jolmen de jetýge bolady. Mundaǵy 27 shaqyrymdyq jol ýchaskesi qaıta jóndelip, eni 6-dan 7 metrge deıin keńeıtildi. Tehnıkalyq sanaty V-ten III-ke aýystyrylap, ótken jyldyń qazan aıynda paıdalanýǵa berildi.
Eske sala keteıik, buǵan deıin 11 mamyrdan bastap «Balqash-Býrylbaıtal» avtojoly aqyly bolatynyn jazǵan edik.
Buǵan deıin habarlanǵandaı, jazǵy maýsymda 11 baǵyt boıynsha qosymsha poıyzdar qatynaıtyn bolady.