Bıyl jazda Alakólge qosymsha 9 poıyz qatynaıdy

ASTANA. KAZINFORM – Kólik mınıstri Nurlan Saýranbaev Úkimet otyrysynda jazǵy týrıstik maýsymda jolaýshylarǵa arnalǵan poıyzdardyń kestesi qalaı jasalatynyn túsindirdi.

- 2025 jyly 175 jańa vagon satyp alyndy. Bıyl 191 vagon alý josparlanýda. Jalpy 2030 jylǵa deıin shamamen 800 vagon jańartylady. Bul vagon parkin 90 paıyzǵa deıin jańartýǵa múmkindik beredi. 2026 jyldyń jazǵy maýsymynda halyqtyń suranysyna sáıkes 13 qosymsha baǵyt uıymdastyrylyp, shamamen 400 myń qosymsha oryn usynylady. Alakól baǵytyna erekshe kóńil bólindi. Bul baǵytta 8 qosymsha poıyz bolady, - dedi Kólik mınıstri.

Vedomstvonyń málimeti boıynsha, qosymsha vagondar Astanadan aptasyna 2 poıyz, Almatydan kúnara 2 poıyz, Semeı men Óskemennen kúnara 1 poıyz joldaýǵa múmkindik beredi.

- Sonymen qatar, Almaty – Dostyq, Qyzylorda – Dostyq jáne Pavlodar – Dostyq baǵyttaryna qosymsha tirkelmeli vagondar shyǵady. Týrıstik destınatsııalarda ornalasqan 19 temirjol vokzalyna jóndeý jáne jańǵyrtý jumystary júrgizilip jatyr, - dedi Nurlan

Saýranbaev. Aıta keteıik, búgingi Úkimet otyrysynda týrızmdi damytý máselelerin qaralyp jatyr.