Bıyl «Jasyl el» jasaǵyna 34 myńnan asa adamdy tartý josparlanǵan
ASTANA. KAZINFORM — Almaty oblysynda respýblıkalyq «Jasyl el» jastar eńbek jasaqtarynyń XXII maýsymynyń saltanatty ashylýy ótti, dep habarlaıdy Mádenıet jáne aqparat mınıstrliginiń baspasóz qyzmeti.
Іs-sharaǵa elimizdiń barlyq óńirinen kelgen belsendi jastar, memlekettik organdar men jastar uıymdarynyń ókilderi qatysty.
Maýsymnyń ashylýy aıasynda qatysýshylar 100-den astam kóshet otyrǵyzyp, qorshaǵan ortaǵa janashyrlyqpen qaraýdy nasıhattaıtyn ekologııalyq aktsııaǵa atsalysty.
— Bıyl «Jasyl el» jastar eńbek jasaqtarynyń jumysyna 34 myńnan astam adamdy tartý josparlanyp otyr. Joba dástúrli túrde jastardy eńbekke baýlýǵa, ekologııalyq bastamalarǵa belsendi qatysýǵa jáne azamattyq jaýapkershilikti qalyptastyrýǵa úndeıdi, — delingen mınıstrlik habarlamasynda.
Budan buryn 14 jastan asqan astanalyqtar «Jasyl el» baǵdarlamasy boıynsha jumys isteı alatynyn jazǵanbyz.
