Bıyl jasandy ıntellekt ýnıversıteti stýdentterdi oqytýdy bastaıdy
ASTANA. KAZINFORM – Jasandy ıntellekt salasyndaǵy jańa ýnıversıtet 600 stýdentti qabyldaıdy. Bul týraly Úkimet otyrysynda Ǵylym jáne joǵary bilim mınıstri Saıasat Nurbek málim etti.
- Biz joǵary oqý oryndary men kásiporyndardyń ózara baılanysyn kúsheıtýdemiz. Bul baǵyttaǵy jumystardy «Samuryq-Qazyna» qorymen birlesken sharalar mysalynda kórseteıin. Qordyń portfeldik kompanııalarynda jyl saıyn shamamen 10 myń stýdent dýaldy oqýdan jáne óndiristik praktıkadan ótedi. 2026 jyldyń birinshi jartyjyldyǵynda osy formatpen 4 myń 300-den astam stýdent qamtyldy. Dýaldy oqytý taý-ken isi, energetıka, IT, elektr tehnıkasy, temirjol kóligi, telekommýnıkatsııalar, tsıfrlyq tehnologııalar, resýrstardy óndirý jáne óńdeý baǵyttaryn qamtıdy. Oqý baǵdarlamalaryn jumys berýshiniń talabyna sáıkestendirý maqsatynda oqytýshylardyń óndiristik taǵylymdamadan ótýi uıymdastyrylyp jatyr, - dedi S. Nurbek.
Onyń aıtýynsha, ótken oqý jylynda 100-den astam oqytýshy óndiristik taǵylymdamadan ótti. Aldaǵy oqý jylynda taǵy 100 oqytýshyny kásiporyndar bazasynda taǵylymdamadan ótkizý josparlanǵan.
- Bıyl Memleket basshysynyń tapsyrmasyna sáıkes, Qazaq zertteý jasandy ıntellekt ýnıversıteti stýdentterdi oqytýdy bastaıdy. Shamaman 600 bilim alýshy qabyldanady. Bakalavarıatta 400 stýdent, onyń 308-i memlekettik grant ıegeri. Magıstratýra baǵdarlamasyna 100 adam Astana Hab, Alageým granttaryna jáne aqyly oqýǵa qabyldanady. «Samuryq-Qazyna» óziniń 100 qyzmetkerin MBA AI+X baǵdarlamasynda oqytady, - dedi mınıstr.
Buǵan deıin memlekettik grantta oqyǵan túlekterge qoıylatyn talaptar ózgergenin jazǵan edik.
