Bıyl jas ǵalymdarǵa 140 baspana tegin beriledi

ASTANA. KAZINFORM – Ǵylym jáne joǵary bilim mınıstri Saıasat Nurbek Úkimet otyrysynda jas ǵalymdardy qoldaý tetikterin atady.

- Jas ǵalymdarǵa arnalǵan granttyq konkýrstar arqyly 2000-nan astam zertteýshi 835 jobany iske asyrý múmkindigin aldy. Jas ǵalymdarǵa tuńǵysh ret 351 páter berildi. Onyń ishinde 61-i prezıdentimizdiń tikeleı tapsyrmasymen tegin berildi. Jalpy bıyl 140 tegin páter beriledi, - dedi vedomstvo basshysy.

Mınıstrdiń sózinshe, ǵylymı dárejeler men ataqtarǵa tólenetin qosymsha tólemder artqan.

- Halyqaralyq taǵylymdamalar jalǵasýda. Endi «Úzdik ǵylymı qyzmetker» syılyǵy, ǵylym salasyndaǵy memlekettik syılyqtar jáne 50 talantty jas ǵalymǵa stıpendııa bólinedi, - dedi Saıasat Nurbek.

Onyń aıtýynsha, eldegi 25,5 myń ǵalymnyń 54 paıyzy — 40 jastan asqandar.