Bıyl Jańaózen-Túrkimenstan joly orta jóndeýden ótedi

ASTANA. KAZINFORM – Kólik mınıstri Marat Qarabaev Úkimet otyrysynda bıyl jóndeý jumystaryn kórmegenine 50 jyl bolǵan joldarǵa qaıla túsetinin aıtty.

- 2029 jylǵa deıin 3 myń shaqyrym joldy birinshi jáne ekinshi sanatqa aýystyra otyryp rekonstrýktsııalaý kózdelgen. 

Qazir mınıstrliktiń aldyna 4 baǵyttaǵy 10 myń shaqyrym joldy ortasha jóndeýden ótkizý mindeti qoıylǵan.

Byltyr onyń 5 myń shaqyrymynda jumystar bastalyp, 1 myń shaqyrymy iske qosyldy.
Bıyl qalǵan 4 myń jáne jańa 2 myń 600 shaqyrymda ortasha jóndeý júrgiziledi.
Jalpy ortasha jóndeýmen qamtý 6 myń 600 shaqyrymdy quraıdy, - dedi mınıst.

Marat Qarabaevtyń sózinshe, bul ádis jobalardy iske asyrý merzimin 3 ese qysqartyp, shyǵyndardy 7 ese azaıtýǵa múmkindik berip otyr.

- Bul rette, Soltústik Qazaqstan (1 358 km), Aqmola (1 262 km) jáne Abaı (1 015 km) oblystarynda eń aýqymdy jumystar josparlanǵan.

Sondaı-aq, 30 jyldan bastap 50 jylǵa deıin jóndeý júrgizilmegen Petropavl men Jezqazǵan (703 km), Qandyaǵash – Shalqar (246 km), Jańaózen – Túrkimenstan shekarasy (156 km), Qaraǵandy – Aıagóz – Buǵaz (452 km) joldary tolyǵymen jóndeýden ótkiziledi, - dedi vedomstvo basshysy.

Buǵan deıin bıyl eldegi avtojoldardyń aqyly ýchaskelerindegi tarıfter orta eseppen 30 paıyzǵa ósýi josparlanǵany málim bolǵan edi.