Bıyl Jambyl oblysyna 600 mlrd teńgege jýyq ınvestıtsııa tartyldy

TARAZ. KAZINFORM — 63 myńnan astam jańa jumys orny ashyldy. 280-nen asa eldi mekenge kógildir otyn jetkizildi. Bul týraly Memleket basshysy Jambyl oblysynyń jurtshylyǵymen kezdesý barysynda aıtty.

Memleket basshysynyń sózinshe, óńirde aýqymdy jumys istelip jatqanyna nazar aýdardy.

 — Men jańa ǵana birneshe nysandy aralap kórdim. Aımaqtyń damý josparymen tanystym. Jalpy, aýqymdy jumys istelip jatyr. Biraq jumysty belsendi túrde jalǵastyrý kerek. Bıyl oblysqa 600 mıllıard teńgege jýyq ınvestıtsııa tartyldy. 63 myńnan astam jańa jumys orny ashyldy. 280-nen asa eldi mekenge kógildir otyn jetkizildi. Úsh jyldyń ishinde 13 myńǵa jýyq oqýshyǵa arnalǵan 37 mektep salyndy. Sondaı-aq 41 densaýlyq saqtaý nysany ashyldy. Elýden astam sport jáne mádenıet ortalyǵy boı kóterdi. Basqa da kóptegen ıgi ister jasalyp jatyr. Elimiz qýatty bolýy úshin eń aldymen, aımaqtar qýatty bolýǵa tıis, — dedi Toqaev.

Budan buryn Jambyl oblysynda jumys saparymen júrgen Memleket basshysy Qasym-Jomart Toqaev Dala Glass áınek óndiretin kásiporyn qyzmetimen tanysty.