Bıyl zeınetaqy qaıta kóterilmeıdi – mınıstr
ASTANA. KAZINFORM – Eńbek jáne halyqty áleýmettik qorǵaý mınıstri Asqarbek Ertaev zeınetaqy bıyl bir ret ınflıatsııa deńgeıinde ındekstelgenin, qaıta kóterý múmkin emes ekenin aıtty.
- Jyl basynda zeınetaqy ınflıatsııa deńgeıine qaraı ındekstelgeni belgili. Úkimet eki tańbaly ınflıatsııany áli aýyzdyqtaı almaı otyr. Osyǵan baılanysty bıyl zeınetaqy taǵy bir ret ındekstelýi múmkin be? - dep surady jýrnalıst.
Mınıstr bul múmkin emes ekenin aıtty.
- Ondaı bolmaıdy. Jyl basynda bir ret boljanǵan ınflıatsııa deńgeıinde ındekstelgen. Biz bul máselede boljamdarǵa qarap esep jasaımyz. Odan basqa qaıta esepteýler bolmaıdy, - dedi Asqarbek Ertaev.
Eske salsaq, 1 qańtardan bastap Biryńǵaı jınaqtaýshy zeınetaqy qorynan tólenetin zeınetaqy tólemi zeınetaqy tólemderin burynnan alyp júrgen zeınetkerler úshin 5 paıyzǵa ulǵaıǵan bolatyn.
