Bıyl zapastaǵy 752 ofıtser ásker qataryna shaqyrylady
ASTANA. KAZINFORM – Bıyl zapastaǵy 752 ofıtser ásker qataryna shaqyrylady. Bul týraly Qorǵanys mınıstrliginiń baspasóz hatshysy, podpolkovnık Rýslan Jangýlın aıtty.
«Jyl saıyn áskerı kafedrany aıaqtaǵan zapastaǵy ofıtserlerdi Qarýly kúshter, basqa da áskerler men áskerı quramalardyń qataryna shaqyramyz. Bıyl da bul josparda bar. Osy jyly 752 zapastaǵy ofıtserdi ásker qataryn shaqyrý josparda bar. Ol 2 jyl áskerı boryshyn óteıdi. Olar alǵan áskerı bilimin tolyqtyrý maqsatynda shaqyrylady», — dedi Rýslan Jangýlın ortalyq kommýnıkatsııalar qyzmetindegi brıfıngte.
Onyń atap ótýinshe, zapastaǵy ofıtserler Qarýly Kúshterde jetispeıtin mamandyqtardyń ornyn tolyqtyrý maqsatynda shaqyrylady.
«Olardyń arasynda baılanysshy, zeńbirekshi, psıholog syndy mamandyq ıeleri bolýy múmkin. Biz solardy shaqyramyz», — dedi mınıstrliktiń baspasóz hatshysy.
