Bıyl zań talaptaryn buzǵan 20-dan astam sýdıa anyqtaldy
ASTANA. KAZINFORM — Bıyl 20-dan astam sýdıa jaýapqa tartyldy. Bul týraly Senattyń jalpy otyrysynda QR Joǵarǵy sotynyń sýdıasy jáne Joǵary sot keńesiniń múshesi Nurııa Sısenova málim etti.
«2024 jyldyń 9 aıynda naqty sot isin qaraý kezinde 21 sýdıa zań talaptaryn óreskel buzǵany úshin jaýapqa tartyldy. Byltyrǵy osy kezeńde 9 sýdıa jazalanǵan edi. ıAǵnı bul kórsetkish 9 aıda eki jarym esege jýyq ósti», - dedi N. Sısenova.
Aıta keteıik, búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine sot júıesin reformalaý jáne protsestik zańnamany jetildirý máseleleri boıynsha ózgerister men tolyqtyrýlar engizý týraly» Zańy eki oqylymda qaralyp, maquldandy.
Osyǵan deıin Senat azamattardy sot arqyly qorǵaýdyń sapasyn arttyrýǵa baǵyttalǵan zańdy maquldaǵanyn jazdyq.
