Bıyl úıqamaqqa alynǵandardyń 60 paıyzyna elektrondy bilezik taǵylǵan

ASTANA. KAZINFORM – Bıyl úıqamaqqa alynǵandardyń 60 paıyzyna elektrondy bilezik taǵylǵan. Bul týraly QR Joǵarǵy sotynyń sýdıasy Sáken Abdolla aıtty.

«Belsendi iske asyrylyp jatqan Joǵarǵy sottyń taǵy bir bastamasy – elektrondy bilezikter taǵý jobasy. Jyl saıyn sottar 11 myńnan astam azamatty qamaýǵa alý týraly sanktsııa shyǵarady. Al úıqamaqqa alý sııaqty izgilikti aldyn alý sharasy 35 ese az (orta eseppen jylyna 300 adam) qoldanylady. Osy máseleni zertteı otyryp, biz elektrondy bilezikter júıesin paıdalaný týraly qorytyndyǵa keldik. Bıyldyń ózinde úıqamaqqa alynǵandardyń 60 paıyzyna elektrondy bilezik taǵylǵan. Bul jumys jalǵasýda», - dedi ol Ortalyq Azııadaǵy qylmystyq sot tóreligi boıynsha sarapshylardyń 9-forýmynda.

Sýdıanyń aıtýynsha, bir adamdy bir aı qamaýda ustaý úshin bıýdjetten 750 myń teńge nemese bir jarym myń AQSh dollary shyǵyndalady. Al bir bilezikti jalǵa alý quny aıyna 30 AQSh dollaryn (15 myń teńge) quraıdy.

ıAǵnı, kúdiktini elektrondy bilezik qoldana otyryp úıqamaqqa alý memleket úshin áldeqaıda arzanǵa túsedi.

Aıta keteıik, buǵan deıin sotqa deıin qamaýǵa alynǵandarǵa da elektrondy bilezik taǵylýy múmkin ekenin jazǵan edik.