Bıyl uıaly baılanys operatorlaryna qansha aıyppul salyndy
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi uıaly baılanys salasyndaǵy shaǵymdardan operatorlarǵa qandaı jaza qoldanylǵanyn túsindirdi.
«Qazaqstan Respýblıkasy boıynsha 2024 jyldyń basynan qazirge deıin baılanys operatorlaryna qatysty 375 tekserý jasalyp, 1 mlrd 272 mln teńge aıyppul salyndy. Zańnamaǵa sáıkes jeńildikti esepke ala otyryp, bıýdjetke 636 mln teńge aıyppul tólendi», - delingen mınıstrliktiń Kazinform agenttigine bergen jaýabynda.
Aıta keteıik, 5G júıesi boıynsha elimiz aýmaǵynda 1,3 myńnan astam bazalyq stantsııa ornatyldy.
Bıyl maýsym aıynda Úkimet basshysy Oljas Bektenov uıaly baılanys operatorlary arasynda básekelestik baıqalmaı turǵanyn aıtyp, synǵa alǵan edi.
Premer-Mınıstr respýblıkalyq jáne negizgi oblystyq joldarda sapaly uıaly baılanys pen mobıldi ınternet bolýy tıis ekenin atap ótti.
