Bıyl Ulttyq qorǵa 3,7 trln túsip, transfert retinde 5,3 trln teńge alyndy

ASTANA. KAZINFORM – Qazaqstannyń halyqaralyq rezervteri 105 mlrd dollarǵa jetti. Bul týraly búgin Úkimet otyrysynda Ulttyq bank tóraǵasy Tımýr Súleımenov aıtty.

- Qarashanyń nátıjesi boıynsha jalpy halyqaralyq rezervter jyl basynan beri 9,5 paıyzǵa ósip, 105 mlrd dollardy qurady. Ulttyq banktiń altyn-valıýta rezervteri jyl basynan 23 paıyzǵa artyp, 44,2 mlrd dollarǵa jetti, - dedi Tımýr Súleımenov.

Onyń dereginshe, Ulttyq qordyń aktıvteri jyl basynan 1,3 paıyza ulǵaıyp, 60,8 mlrd dollardy qurady.

- Jyl basynan qorǵa túsken qarajat somasy 3,7 trln teńge, al Ulttyq qordan respýblıkalyq bıýdjetke beriletin transfertter kólemi 5,3 trln teńge boldy. Ulttyq qordyń ınvestıtsııalyq tabysy 9,5 paıyz nemese 5,7 mlrd dollardy qurady, - dedi Ulttyq bank tóraǵasy.