Bıyl Ulttyq qordan ár balanyń esepshotyna 130 dollardan aýdarylady

ASTANA. KAZINFORM — Bıyl Ulttyq qordan ár balanyń esepshotyna 130 dollardan aýdarylady. Bul týraly Ulttyq bank tóraǵasy Tımýr Súleımenov aıtty.

- Qaýlymyzǵa sáıkes, bul derekterdi 1 aqpanda resmı jarııalaımyz. Bul dúnıege sábılerdiń kelýine, keıbir balalardyń elden ketip, azamattyqtan shyǵýyna baılanysty. Sondyqtan Úkimettegi áriptesterimizben atalǵan qarajattyń kimge aýdarylatyndyǵy eseptelinedi. Aldyn ala derek bar. Aldyn ala derekterge qaraǵanda, soma ótken jyldaǵymen para bar, ár balaǵa 130 dollardan tıesili bolady, - dedi Tımýr Súleımenov.

Onyń aıtýynsha, ótken jylǵy Ulttyq qordyń tabysy 8,7 mlrd dollardy qurady.

- Bul jyldyq mánde 15 paıyzǵa teń. Eki tsıfr da rekordtyq sanalady. Ulttyq qordy basqarǵan ýaqytta beri mundaı tsıfr bolǵan emes. Sondyqtan Ulttyq qordan alyp qoıýlar men transfertterdiń bolýyna qaramastan onyń aıtarlyqtaı artýyna septigin tıgizdi, - dedi Ulttyq bank tóraǵasy.

Buǵan deıin «BJZQ» AQ «2026 jyly 18 jasqa tolatyn balalar «Ulttyq qor – balalarǵa» baǵdarlamasyna engizile me jáne olar qandaı soma alady?» degen saýalǵa resmı túsinikteme bergen edi.