Bıyl Túrkistan oblysynyń 1 mln halqyna taza aýyzsý tartý jobasy bastalady
ASTANA. KAZINFORM — Bıyl Ógem ózeninen Túrkistan oblysynyń bes aýdanyna qubyr tartý jumystary bastalady. Sý resýrstary jáne ırrıgatsııa mınıstri Nurjan Nurjigitov Úkimet otyrysynda osyndaı málimet aıtty.
— Bıyl Ógem ózeninde gıdroelektrstantsııalar kaskady bar sý qubyryn salý jónindegi ınvestıtsııalyq jobanyń jobalyq qujattamasyn ázirleý bastalady. Ol memleket-jeke seriktestik negizinde júzege asyrylady, — dedi mınıstr.
Aıtýynsha, jobanyń quny ınfraqurylymdy eseptemegenniń ózinde 191,7 mlrd teńge bolmaq.
— Joba jyl saıyn 110 mln tekshe metr aýyzsý berip, saǵatyna 72 MVt· elektr energııasyn óndirýdi kózdeıdi. Bul aımaqtaǵy energetıkalyq qýattar tapshylyǵyn ishinara jabýǵa, sondaı-aq Túrkistan oblysyndaǵy Qazyǵurt, Saryaǵash, Keles, Jetisaı jáne Maqtaaral aýdandarynyń 1 mıllıonnan astam turǵynyn taza aýyzsýmen qamtamasyz etýge múmkindik beredi; — dedi Nurjan Nurjigitov.
Aıta keteıik, búgin Úkimet otyrysynda sý únemdeý tehnologııalaryn engizý sharalaryn pysyqtalyp jatyr.