Bıyl Túrkistan oblysynda 36 aýyldyń ákimi saılanady

TÚRKІSTAN. KAZINFORM — Bıyl Túrkistan oblysynda 36 aýyldyq okrýgtiń ákimi saılanady. Sondaı-aq, shyǵyp qalǵan máslıhat depýtattarynyń ornyna da saılaý ótedi. Bul týraly Túrkistan oblystyq aýmaqtyq saılaý komıssııasynyń tóraǵasy Ańsar Óserbaev málimdedi.

Óńirdegi 32 aýylda kezekti ákim saılaýy ótedi.

Al, 3 aýyldyń ákimi basqa memlekettik qyzmetke aýysýyna baılanysty, bir aýyldyń jańadan qurylýyna oraı ákim saılaýy kezekten tys uıymdastyrylady. 

Sondaı-aq, aýdandyq máslıhatta qazirgi ýaqytta 6 oryn bosaǵan.

Sol sebepti naýryz aıynda bosaǵan depýtattardyń ornyna saılaý ótkizý josparlanyp otyr.

«Túrkistan oblysynda jalpy 2021-2023 jyldar aralyǵynda 144 aýyl ákimi saılandy. Bıylǵy jyly 36 ákimdi halyq ózi tańdaıdy. Onyń altaýy aqpan saılandy. Qalǵan 30 aýyldyń ákimin saılaý jyl sońyna deıin uıymdastyrylady. Sondaı-aq, Tólebı, Otyrar, Shardara, Maqtaaral, Báıdibek aýdanynda bosaǵan depýtattardyń ornyna saılaý ótkizý josparlanyp otyr», - dedi Ańsar Óserbaev.