Bıyl Túrkistan – Abý-Dabı áýe baǵyty iske qosylady

Bıyl Túrkistan – Abý-Dabı áýe baǵyty iske qosylady. Bul týraly Túrkistan oblysynyń jolaýshylar kóligi jáne avtomobıl joldary basqarmasynyń basshysy Qýatjan Jumataev málimdedi, dep habarlaıdy QazAqparat tilshisi.

Qarasha aıynda Túrkistan halyqaralyq áýejaıyna «Wizz Air» kompanııasynyń «AirBus 321» áýe reısi qonady dep kútilýde. Bul Túrkistan–Abý-Dabý áýe baǵytynyń alǵashqy reısi. Atalǵan baǵyttaǵy reıs aptasyna 3 ret jolǵa shyǵatyn bolady.

Jalpy qazirgi tańda Túrkistan halyqaralyq áýejaıy 2 halyqaralyq (Ystanbul, El-Kýveıt) jáne 6 respýblıkaishilik (Astana, Almaty, Aqtaý, Aqtóbe, Oral, Qaraǵandy) áýe baǵyttaryna qyzmet kórsetip keledi.

Basqarma basshysy oblys aýmaǵynda jóndeýden ótip jatqan joldar boıynsha da keń kólemdi málimet berdi.

Onyń aıtýynsha, bıyl oblys boıynsha 1 586,4 shaqyrym joldar men kóshelerge qurylys-jóndeý jumystary júrip jatyr. Jyl qorytyndysymen 1 282,8 shaqyrym jol paıdalanýǵa beriledi.

«Іri jobalardyń biri Túrkistan-Sháýildir baǵytyndaǵy 64,1 shaqyrym joldyń 52,7 shaqyrymynda qaıta qurý jumystary júrgizilip jatyr. Sondaı-aq, Túrkistan qalasynyń áýejaıy men Kentaý qalasyn qosatyn 26 shaqyrym jol 2023 jyldyń qazan aıynda paıdalanýǵa berý josparlanǵan. Jyl qorytyndysymen oblystaǵy joldardyń jaqsy jáne qanaǵattanarlyq jaǵdaıdaǵy úlesin 93%-ǵa jetkizý kózdelýde», - dedi Qýatjan Jumataev.