Bıyl túrki áleminiń mádenı astanasy dep jarııalanǵan Aqtaýda qandaı is-sharalar ótedi
AQTAÝ. KAZINFORM – «Aqtaý – Túrki áleminiń mádenı astanasy» jobasy aıasyndaǵy is-sharalar 2025 jyldyń sáýir aıynda bastalyp, kúzge deıin jalǵasady.
Osy aralyqta túrkitildes memleketter arasyndaǵy baýyrlastyq baılanystar men dostyqty, túrkilik mádenıet pen ónerdi urpaqtan-urpaqqa jetkizip, álemge tanytý maqsatynda túrkitildes memleketter ónerpazdarynyń qatysýymen kóptegen mádenı is-shara uıymdastyrylady. Mańǵystaý oblystyq Mádenıet, tilderdi damytý jáne arhıv isi basqarmasynyń basshysy Nurtas Salıdiń aıtýynsha, qyzý daıyndyq jumystary bastalǵan.
Іs-sharalar kestesi jarııalandy. Oǵan sáıkes, Aqtaý – Túrki áleminiń mádenı astanasy – 2025» sharasynyń ashylý saltanaty 5 sáýir kúni Aqtaý qalasynda ótedi. Іs-shara TÚRKSOI Halyqaralyq uıymy, QR Mádenıet jáne aqparat mınıstrligi, Mańǵystaý oblysynyń ákimdigi jáne Aqtaý qalasynyń ákimdiginiń qoldaýymen uıymdastyrylady.
7-9 sáýir kúnderi «Túrki yrǵaǵynda bı» halyqaralyq bı baıqaýy, 29-mamyrda «Túrki halyqtarynyń órkenıeti jáne onyń álemdik mádenıet tarıhyndaǵy orny» atty halyqaralyq ǵylymı-praktıkalyq konferentsııa ótedi dep josparlanǵan.
Odan ári «Túrki áleminiń totemi» halyqaralyq konferentsııasy, «Qyrymnyń qyryq batyry» jyryna arnalǵan túrki epostarynyń sherý-festıvali, «Kaspıı –dostyq teńizi» vokaldy - ınstrýmentaldy ansamblderiniń festıvali men Túrki elderiniń folklorlyq ansamblderi jáne aspapta oryndaýshylarynyń festıvali bolady.
Al 15 maýsymda Nurǵısa Tilendıevtiń 100 jyldyǵyna arnalǵan «Mańǵystaý maqamdary» Túrki álemi sazgerleriniń festıvali ótedi.
XXVI «TÚRKSOI opera kúnderi» túrki elderiniń opera juldyzdarynyń festıvali, «MODEL CUP» modelder baıqaýy, «Dalamen úndes – baba óner» Túrki álemi qolóner sheberleriniń festıvali jáne VIII «Túrki álemi etno-moda sán kórsetilimi» josparlanǵan.
«AQ MAıA FEST» shubat festıvali, «Jumbaq boıaýlar» halyqaralyq sýretshiler men músinshiler sımpozıýmy jáne XXV «TÚRKSOI sýretshileriniń májilisi», Abaı Qunanbaıulynyń 180 jyldyǵy aıasynda jas aqyndar arasyndaǵy «Túrki shaıyrlary» І halyqaralyq poezııa festıvali bolady.
8-9 tamyz kúnderi S.Qondybaı shyǵarmashylyǵyna arnalǵan ІV halyqaralyq ǵylymı-teorııalyq konferentsııa, S.Qondybaı shyǵarmashylyǵy boıynsha anımatsııalyq fılmderdiń halyqaralyq festıvali uıymdastyrylmaq.
«Ónerli óren» halyqaralyq balalar shyǵarmashylyǵy festıvali, «Meıirimdi túrki álemi» Halyqaralyq múmkindigi shekteýli balalardyń óner festıvali sııaqty balalarǵa arnalǵan is-sharalar, foto sýretshiler festıvali, kıno jáne teatr festıvalderi ótedi.
Al,13-14 qarasha kúnderi XXXXII «TÚRKSOI Halyqaralyq uıymyna múshe elderi mádenıet mınıstrleriniń turaqty keńesiniń otyrysy» men «Aqtaý – Túrki áleminiń mádenı astanasy - 2025» sharasynyń jabylý saltanaty josparlanǵan.
Buǵan deıin Túrki elderiniń ortaq tarıhy jaıly akademııalyq eńbek jazylatynyn jazǵan bolatynbyz.