Bıyl tsıfrlyq teńge qaı salalardyń bıýdjetine engiziledi
ASTANA. KAZINFORM – Ulttyq bank tóraǵasy Tımýr Súleımenov Úkimettiń keńeıtilgen otyrysynda bıyl bıýdjetine tsıfrlyq teńge engiziletin salalardy atady.
- Bıyl tsıfrlyq teńgeni bıýdjet protsesterinde qoldanýdy keńeıtemiz. Ol úshin sáýir aıynda Úkimetpen birge bıýdjettik baǵdarlamalar men jobalardy tsıfrlyq teńgege aýdarýdyń arnaıy josparyn qabyldaımyz, - dedi ol.
Onyń sózinshe, atalǵan jospar birneshe salany qamtymaq.
-Bul jol salý, turǵyn úı-kommýnaldyq sharýashylyq, agroónerkásip keshenin nesıelendirý, shaǵyn jáne orta bıznesti qoldaý, áleýmettik sala, densaýlyq saqtaý sııaqty salalardy qamtıdy, - dedi Ulttyq bank basshysy.
Aıta keteıik, búgin Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.
Jıynda eldiń 2025 jylǵy áleýmettik-ekonomıkalyq damýy qorytyndylanyp, Úkimettiń aldaǵy kezeńge arnalǵan negizgi mindetteri aıqyndalady.