Bıyl temirjol arqyly 131 mln tonna júk tasymaldandy
ASTANA. KAZINFORM — Temirjol arqyly júk tasymalynyń kólemi artyp keledi. Bul jóninde «Qazaqstan temir joly» UK» AQ basqarma tóraǵasy Talǵat Aldybergenov Úkimet otyrysynda málimdedi.
— Bıyl alǵashqy bes aıda 131 mln tonna júk tasymaldandy, ıaǵnı byltyrǵy atalǵan kezeńmen salystyrǵanda, 3%-ǵa joǵary. Sonyń ishinde eksport tasymaly 8%-ǵa ósip, 38 mln tonnaǵa jetti. Tranzıttik tasymalda da ósim baıqalady. Kórsetkish 13%-ǵa joǵarylap, 15 mln tonna boldy. QTJ bıyl 55 mln tonna tranzıttik júk ótkizýge daıyn, — dedi ol.
Aıta keteıik, buǵan deıin Qazaqstannyń konteınerlik tasymaly jáne tranzıt qalaı temirjoldyń jańa ekonomıkasyna aınalyp jatqanyn jazǵanbyz.
