Bıyl alaıaqtar 6,1 myńnan astam azamatty aldaǵan
ASTANA. KAZINFORM – Bas prokýratýra qazaqstandyqtardy saq bolýǵa shaqyrdy.
Alaıaqtardyń ádisteri qıyndap barady, biraq negizgi shema ózgerissiz qalǵan. Jábirlenýshiniń telefonyna «1414» qysqa nómirinen SMS-kod keledi.
Alaıaqtar memlekettik organ, bankt nemese kýrerlik qyzmettiń qyzmetkeri retinde habarlasyp, telefonǵa joldanǵan kodty aıtýdy suraıdy.
Osydan keıin birden ekinshi adam bank, polıtsııa nemese UQK-niń jalǵan qaýipsizdik qyzmetinen habarlasyp turǵandaı syńaı tanytyp habarlasady.
Keıbir jaǵdaılarda olar tipti beıne baılanysqa shyǵady.
Olar aldynda habarlasqan adamdar alıaq ekenin aıtyp, siz aıtqan 4 tańbaly san arqyly sizdiń esebińizdegi aqshany alyp qoıýlary múmkin ekenin eskertedi.
Olar nesıe rásimdeýdi jáne qarajatty «qaýipsiz shotqa» aýdarýdy usynady.
Bul alaıaqtyq toptyń quryp alǵan shemasy, olar jábirlenýshilerdiń aqshasyn ıemdenip, olardyń atynan nesıe de alyp jiberedi.
Buǵan deıin «1414» qysqa nómirinen SMS-kodty alý úshin jábirlenýshiniń nómirin engizý jetkilikti bolatyn.
— Endi «1414» SMS-shlıýzin paıdalanatyn júıelerge tek bıometrııalyq aýtentıfıkatsııany (FaceID), elektrondyq tsıfrlyq qoltańbany (ETsQ) nemese QR-kodty (eGov QR) qoldaný arqyly qol jetkizýge bolady. Jeltoqsan aıynan bastap atalǵan talaptardy engizbegen júıeler «1414» SMS-shlıýzinen ajyratyldy, — delingen prokýratýra habarlamasynda.
Bul sharalar azamattardy alaıaqtardan qorǵaýdy arttyrýǵa baǵyttalǵan.
Saqtyq sharalary:
— memlekettik organdar men bankter eshqashan SMS-ten bir rettik kodtardy, karta derekterin nemese qupııa sózdi suramaıdy;
— aqsha aýdarý úshin «qaýipsiz shot» joq;
— qandaı da bógde adam habarlasqan kezde abaı bolyńyz, derekterińizdi úshinshi tulǵaǵa bermeńiz;
— kúmán týyndaǵan jaǵdaıda dereý bankke nemese ýákiletti memlekettik organdarǵa habarlasyńyz;
— kıbergıgıena erejelerin saqtańyz: tek resmı qosymsha men qyzmetterdi qoldanyńyz, siltemeler men habarlamalardy tekserińiz.
Aıta ketelik osyndaı jaǵdaıǵa tap bolǵan zeınetkerdi taksı júrgizýshi alaıaqtardan qutqaryp qalǵan edi.