Bıyl taýarly sút fermasy qurylysyna 100 mlrd teńge bólinedi - AShM
PETROPAVL. KAZINFORM – Aýyl sharýashylyǵy vıtse-mınıstri Amanǵalı Berdalın Petropavlda ótken QYZYLJAR INVESTMENT FORUM-2024 ınvestıtsııalyq halyqaralyq forýmynyń ashylýyna qatysty.
AShM basshysynyń orynbasary Soltústik Qazaqstan oblysy negizinen dándi daqyldardyń tórtten biri jáne maıly daqyldardyń úshten biri ósiriletin, sapaly jáne básekege qabiletti ónim óndiriletin agrarlyq óńir ekenin atap ótti. 2023 jyly óńirdiń AÓK salasyna 192 mlrd teńge ınvestıtsııa tartyldy, bul respýblıkadaǵy jalpy kólemniń 17% quraıdy.
Aımaqtyń mańyzdy jobalarynyń biri – ótken jyly sátti bastalǵan ınvestıtsııalyq jobalardy jeńildikpen qarjylandyrý tájirıbesin qaıtalaý. Osy tetiktiń arqasynda Soltústik Qazaqstan oblysynda 2 jyl ishinde 21 taýarly sút fermasy salynyp, 2023 jyly shıki sıyr sútin taýarly óndirý kólemi 574,1 myń tonnany qurady. 2023 jyly respýblıka boıynsha 65 TSF qurylysyna 100 mlrd teńge, al 2024 jyly dál osyndaı qarajat bólindi. Amanǵalı Berdalın Aýyl sharýashylyǵy mınıstrligi ınvestorlar úshin barlyq jaǵdaıdy jasap, olarǵa jan-jaqty qoldaý kórsetýge daıyn ekenin jetkizdi.
Sonymen qatar, vıtse-mınıstr jalpy Qazaqstannyń qandaı ınvestıtsııalyq artyqshylyqtarǵa ıe ekenin túsindirdi. Atap aıtqanda, respýblıka astyq derjavasy retinde jyl saıyn 40-tan astam eldiń naryǵyna 8 mln tonnaǵa jýyq astyq jetkizedi. Sońǵy jyldary el un eksporty boıynsha jyl saıyn 2,5 mln tonnaǵa deıin ónim eksporttaı otyryp, álemde kóshbasshy orynda tur. Eń mańyzdysy jerdiń jartysynan astamyn, ıaǵnı, 220 mln gektardy aýyl sharýashylyǵy alqaptary quraıdy.
Sondaı-aq, zańnamalyq deńgeıde ınvestıtsııalar tartý úshin júıeli sharalar retinde birqatar jeńildikter men preferentsııalar, sondaı-aq AÓK basym baǵyttary boıynsha shyǵyndardy 25% -dan 50% -ǵa deıin ınvestıtsııalyq sýbsıdııalaý kózdelgen. Aǵymdaǵy jyly bul maqsatqa 124,4 mlrd teńge (SQO - 18,7 mlrd teńge) qarastyrylǵan.
Sondaı-aq ınvestıtsııa tartýdyń júıeli sharalary retinde zańnamalyq deńgeıde birqatar jeńildikter men preferentsııalar, agroónerkásiptik keshenniń basym baǵyttary boıynsha shyǵyndardy 25%-dan 50%-ǵa deıin ınvestıtsııalyq sýbsıdııalaý qarastyrylǵan. Aǵymdaǵy jyly bul maqsattarǵa 124,4 mlrd.teńge qarastyrylǵan (SQO – 18,7 mlrd.teńge).
Munan bólek, ınvestıtsııa tartýdyń mańyzdylyǵyn eskere otyryp, ınvestorlar iri jobalardy júzege asyrý úshin Qazaqstan Úkimetimen tikeleı kelisim jasaı alady. Osylaısha, strategııalyq ınvestorlar salyqtyń negizgi túrleri (KQS, QQS, jer jáne múlik salyǵy) boıynsha arnaıy jeńildik sharttaryn ala alady.
«Bizdiń basym baǵyttarymyzdyń biri – aýyl sharýashylyǵy shıkizatyn, onyń ishinde et pen sútti, kartopty, qant qyzylshasyn, maıly daqyldardy, jemis-jıdekterdi, kókónisterdi, bylǵary shıkizatyn óńdeýge sheteldik ınvestorlardy tartý. Biz qyzyǵýshylyq tanytqan kompanııalardy Qazaqstanda birlesken kásiporyndar qurýǵa shaqyramyz», - dep túıindedi sózin Amanǵalı Berdalın.
