Bıyl taý-ken salasynda 6,5 myń jańa jumys orny ashylady

ASTANA. KAZINFORM – Úkimet otyrysynda Ónerkásip jáne qurylys mınıstriniń orynbasary Oljas Saparbekov bıyl taý-ken salasynda 23 myń jańa jumys orny ashylatynyn málim etti.

- Bıyl 23 myńǵa jýyq turaqty jumys ornyn quratyn, jalpy quny 1,6 trln teńge bolatyn1 90 ónerkásip jobasyn iske qosý josparlanyp otyr. Taý-ken metallýrgııa salasynda 6,5 myń jumys ornyn quratyn jalpy quny 444 mlrd teńge bolatyn 28 joba bar, - dedi vıtse-mınıstr.

Onyń ishinde mynandaı iri jobalar bar:

- Qaraǵandy oblysyndaǵy tik tigisti bolat qubyrlary jáne alıýmınıı radıator jobalary;

- Túrkistan oblysyndaǵy alıýmınıı profılderin óndirý;

- Aqmola oblysyndaǵy alıýmınıı buıymdaryn shyǵarý;

- Pavlodar oblysyndaǵy ferroqorytpa óndirisi;

- Jambyl oblysyndaǵy katodty mys óndirý jobalary.

Aıta ketý kerek, elimizde altyn qymbattap, bir gramynyń baǵasy shamamen 56 527 teńgege jetti.