Bıyl sý salasynyń 800-den astam mamany biliktiligin arttyrdy
ASTANA. KAZINFORM — 2025 jyldyń 11 aıynda Sý resýrstary jáne ırrıgatsııa mınıstrligi sý salasy mamandary úshin biliktilikti arttyrý kýrstaryn uıymdastyrdy. Bul kýrstarǵa 800-den astam maman qatysty.
Vedomstvo málimetinshe, olardyń ishinde 125 adam QHR-da PowerChina korporatsııasynyń qoldaýymen oqýdan ótti.
Aıta keteıik, Sý resýrstary jáne ırrıgatsııa mınıstrligi men qytaı tarapy kelesi jyly da kadrlardy qaıta daıarlaý jónindegi birlesken baǵdarlamany jalǵastyrýǵa kelisken bolatyn. Biliktilikterin arttyrǵan 634 maman — jumysshy mamandyqtarynyń ókilderi.
Sonymen qatar 2030 jylǵa deıingi sý resýrstaryn basqarý júıesin damytý tujyrymdamasyna sáıkes, bıylǵy jospar 400 adamdy quraǵan edi.
— Memleket basshysy jarııalaǵan Jumysshy mamandyqtary jylynda sý sharýashylyǵy mamandarynyń mártebesin arttyrý boıynsha aýqymdy jumystar atqaryldy. Atap aıtqanda, olardyń jalaqysy energetıka salasy mamandarynyń deńgeıine deıin kóterildi, biliktilikti arttyrýdyń jańa kýrstary ótkizildi, maýsymdyq jumysshylar turaqty jumyspen qamtyldy jáne jalpy eńbek jaǵdaılary jaqsartyldy. Kelesi jyly da bul baǵyttaǵy jumystar jalǵasyn tabady, — dedi Sý resýrstary jáne ırrıgatsııa vıtse-mınıstri Talǵat Momyshev.
Budan buryn sý salasy mamandyqtaryna grantqa túsken stýdentter sany 71%-ǵa artqanyn jazǵan edik.