Bıyl SQO-da medıtsınalyq mekemelerdi kúrdeli jóndeýge 2 mlrd teńge jumsalady
PETROPAVL. KAZINFORM — Soltústik Qazaqstan oblysynda bıyl 19 medıtsınalyq mekeme kúrdeli jóndeýden ótedi.
SQO ákimdiginiń málimetinshe, medıtsınalyq mekemelerdiń jaǵdaıyn jaqsartý boıynsha keshendi jumys aıasynda byltyr 5 aýyldyq jáne 9 qalalyq densaýlyq saqtaý nysany jónge keltirildi. Bıyl bul maqsatqa 2 mlrd teńge qarajat bólý josparlanǵan.
Jóndeýmen qosa, medıtsınalyq jabdyqtardy jańartý da jalǵasady. Ótken jyly bul maqsatqa 5,4 mlrd teńge bólinip, aýrýhanalarǵa joǵary sapaly ÝDZ, tsıfrlyq rentgender, mammograf, salqyndatqysh tsentrıfýga, lıtotrıpter, jasandy qan aınalymy apparaty jáne basqa zamanaýı qurylǵylar jetkizildi.
Bıyl medıtsınalyq qondyrǵylardy jańartýǵa bólinetin qarjy 1,5 ese ulǵaıyp, 7,5 mlrd teńgege jetti. Onyń ishinde 4,5 mlrd teńgege oblys ortalyǵyndaǵy medıtsınalyq uıymdarǵa qajetti qondyrǵylar satyp alynbaq. Jalpy qalalyq jáne aýdandyq aýrýhanalar úshin MRT, KT, angıograf jáne vıdeoendoskopııalyq keshendi satyp alý josparda bar.
Buǵan deıin SQO-da tumaýǵa jatpaıtyn vırýstardyń jeti túri tarap jatqanyn jazǵan edik.