Bıyl syrttan ákelinetin kólikterdiń qunyn 46,3 mlrd teńgege tómendetý faktileri anyqtaldy

ASTANA. KAZINFORM – Bıyl 5 aıda shetelden ákelingen kólikterdiń qunyn tómendetip kórsetý saldarynan 11,9 mlrd teńge kedendik tólem men salyq bıýdjetke aýdarylmaǵan. Bul týraly Qarjy mınıstrliginiń Memlekettik kirister komıteti tóraǵasynyń orynbasary Qaırat Jumaǵulov aıtty. 

— Memlekettik kirister organdary syrttan ákelinetin kólik quraldarynyń kedendik qunyna baqylaý júrgizedi. 2025 jyldyń 5 aıynda júrgizilgen jumystardyń nátıjesinde kólikterdiń qunyn 46,3 mlrd teńge somasyna tómendetý faktisi anyqtaldy. Osyǵan baılanysty 11,9 mlrd teńge kedendik tólem men salyq tolyq aýdarylmaǵan, — dedi komıtet tóraǵasynyń orynbasary Amanat partııasy janyndaǵy Sybaılas jemqorlyqqa qarsy is-qımyl jónindegi respýblıkalyq komıssııa otyrysynda.

Qaırat Jumaǵulovtyń atap ótýinshe, syrttan keletin kólikterge kedende tekserý júrgiziledi. Sonyń nátıjesinde Eýrazııalyq ekonomıkalyq odaqtyń tehnıkalyq reglamentine saı kelmeıtin kólikter de anyqtalyp otyrady.

— 2004 jyly júrgizilgen osyndaı is-sharalar barysynda 3 923 kólik quraly tekserilip, 116 jaǵdaıda, al bıyl 5 aıda 3 888 kólik quraly tekserilip, 16 jaǵdaıda sáıkessizdik anyqtaldy, — dedi ol.

Buǵan deıin kólik kontrabandasy nege tyıylmaı turǵanyn jazǵan edik.