Bıyl shildede Qytaıdyń valıýta rezervteri azaıdy

ASTANA. KAZINFORM — 2025 jylǵy shilde aıynyń sońyndaǵy málimet boıynsha, Qytaıdyń valıýta rezervteri 3,2922 trln AQSh dollaryn qurady, dep habarlaıdy Sınhýa.

Bul maýsym aıynyń sońyndaǵy kórsetkishpen salystyrǵanda 25,2 mlrd dollarǵa nemese 0,76%-ǵa az. Bul týraly Qytaıdyń Memlekettik valıýta baqylaý basqarmasy beısenbi kúni habarlady.

Mekemeniń málimetinshe, shilde aıynda AQSh dollarynyń ındeksi ósip, álemdik qarjy aktıvteriniń baǵasy ártúrli baǵytta qubylǵan. Buǵan makroekonomıkalyq derekter, aqsha-kredıt saıasaty men jetekshi ekonomıkalardyń naryqtyq kútýleri áser etken.

Valıýta rezervteriniń azaıýyna valıýta baǵamdarynyń aýytqýy jáne aktıvter baǵasynyń ózgerýi sebep bolǵan.

Memlekettik valıýta baqylaý basqarmasy atap ótkendeı, soǵan qaramastan, basqarma Qytaı ekonomıkasynyń negizi berik, artyqshylyqtary mol, turaqtylyǵy joǵary jáne damý áleýeti zor ekenin atap ótti. Uzaq merzimdi perspektıvada eldegi jaǵymdy alǵysharttar men negizgi damý úrdisteri saqtalady, bul valıýta rezervterin jalpy alǵanda turaqty deńgeıde ustap turýǵa múmkindik beredi.

Buǵan deıin Qytaıda bıýrokratııamen kúresý úshin jańa reglament engizilgenin jazǵan edik.