Bıyl shetelge 18,7 myń tonna kondıterlik ónim eksporttaldy

ASTANA. KAZINFORM — Qazaqstanda kondıterlik ónimderdiń óndirisi artty. Bul týraly Ulttyq statıstıka komıteti habarlady. 

Bıylǵy jyldyń alǵashqy on aıynda kondıterlik ónimder, pechene, keptirilgen nan men tátti nan óndirisiniń kólemi 93,3 myń tonna boldy. Osylaısha, ótken jyldyń sáıkes kezeńimen salystyrǵanda óndiris 6% ósti.

- Kondıterlik ónimder eksporty 9,3% artty. Atap aıtqanda, 2025 jyldyń qańtar–qazan aılarynda shetelge 18,7 myń tonna ónim eksporttaldy, 2024 jyly kórsetkish 17,1 myń tonna bolǵan. Unnan jasalǵan kondıterlik ónimderdiń negizgi kólemi Ózbekstanǵa, Reseıge, Belarýsqa jáne Qyrǵyzstanǵa eksporttaldy, - delingen habarlamada.

Kondıterlik ónimder ımporty 4,6% tómendep, 10 aıda 73,5 myń tonna boldy. Іshki naryqtaǵy ımporttalǵan ónimniń úlesi 44,1% boldy. Negizgi jetkizýshiler – Reseı, Ýkraına, Qyrǵyzstan jáne Ózbekstan.

2025 jyldyń 10 aıynyń qorytyndysy boıynsha Qazaqstannyń ishki naryǵynda 148,1 myń tonna kondıterlik ónim satylǵan.

Aıta ketelik el aımaqtarynda kondıterlik ónimderdiń baǵasy qansha turatyny týraly jazǵan edik.