Bıyl sheteldikter men qandastarǵa qansha oqý granty bólinedi

ASTANA. KAZINFORM – Ǵylym jáne joǵary bilim mınıstrligi Kazinform saýalyna joldaǵan jaýapta bıyl sheteldikter men qandastarǵa qansha oqý granty bólingenin aıtty.

«Bıyl sheteldik azamattarǵa halyqaralyq kelisimder boıynsha 360 grant bólinedi. Sheteldikterdiń stıpendııalyq oqý baǵdarlamasy boıynsha, onyń ishinde ulty qazaq sheteldikterge qosymsha 490 grant bólinedi», - delingen mınıstrlik jaýabynda.

Byltyr jalpy 171 699 adam joǵary oqýǵa túsken. Onyń ishinde 68 240 adam grant boıynsha bilim alyp jatyr.

«Bıyl mektep bitirgen túlekterdiń sany - 188 245 adam. Joǵary bilim alý maqsatymen 185 371 adam UBT tapsyrǵan. Onyń 156 297-si bıylǵy jyldyń mektep túlekteri», - dep jazylǵan resmı jaýapta.