Bıyl sheteldik stýdentter el qazynasyna 30 mlrd teńge túsirgen

ASTANA. KAZINFORM — Qazaqstan 2028–2029 jyldarǵa qaraı sheteldik stýdentter sanyn 100 myńǵa deıin jetkizýdi kózdep otyr. Bul týraly Ǵylym jáne joǵary bilim mınıstrligi habarlady.

— Mınıstrlik strategııasynda 2028–2029 jyldarǵa qaraı Qazaqstanda shamamen 100 myń sheteldik stýdentke qyzmet kórsetý mindeti bekitilgen. Aldyn ala esepteýlerge sáıkes, bul elimizdiń joǵary bilim berý júıesine jyl saıyn shamamen 1 trln teńge kóleminde kiris ákeledi. Osylaısha, ýnıversıtetter úshin turaqty damý bıýdjetin qalyptastyrýǵa múmkindik týady, — deıdi mınıstrlik mamandary.

Aıta keteıik, 2024–2025 oqý jylynda Qazaqstanǵa 35,2 myń sheteldik stýdent kelip, el ekonomıkasyna shamamen 30 mlrd teńge kóleminde qarjy túsirgen.

Osyǵan deıin elordada stýdentter men oqýshylar birigip, átir óndirip jatqany týraly jazdyq.