Bıyl shet memleketterdiń basshylary Qazaqstanǵa 30 ret saparmen keldi
ASTANA. KAZINFORM — Olardyń arasynda QHR, Italııa, Grýzııa, Ózbekstan, Slovenııa, Vetnam, BAÁ jáne taǵy basqa elder bar. Bul týraly QR Prezıdentiniń kómekshisi — Baspasóz hatshysy Rýslan Jeldibaı óziniń Telegram paraqshasynda jazdy.
Onyń sózinshe, Qazaqstan halyqaralyq dıalogtyń belsendi alańyna aınaldy.
— Olardyń arasynda QHR, Italııa (eki ret), Grýzııa, Ózbekstan, Slovenııa, Vetnam, BAÁ, Rýanda, Soltústik Makedonııa, Bolgarııa, Slovakııa, Iordanııa, Kongo Demokratııalyq Respýblıkasy, Mıanma, Majarstan, Ázerbaıjan, Fınlıandııa, Estonııa, Armenııa, Túrikmenstan, Shveıtsarııa jáne Iran elderiniń memleket jáne úkimet basshylary bar, — dep jazdy Jeldibaı.
Sonymen qatar Qasym-Jomart Toqaev ózge de prezıdenttermen 43 márte telefon arqyly sóılesti. Budan bólek, 4 resmı rásim barysynda 30 memlekettiń elshilerinen senim gramotalaryn qabyldady.
Budan bólek, bir jyl ishinde Prezıdent óńirlerge jáne shet memleketterge jasaǵan sapary barysynda 168 960 shaqyrym jol júrdi. 252 saǵat ýaqytyn ushaqta ótkizdi.
Osyǵan deıin bıyl Prezıdent qansha normatıvtik-quqyqtyq aktige qol qoıǵany belgili boldy.
Sondaı-aq, 2025 jyly Prezıdent 186 halyqaralyq kezdesý ótkizgeni anyqtaldy.