Bıyl shekarany buzǵany úshin 27 shetel azamaty ustaldy - UQK Shekara qyzmeti
ASTANA. KAZINFORM – UQK Shekara qyzmetiniń bıylǵy qańtar aıyndaǵy is-qımyl nátıjelerin jarııalady.

Derekke qaraǵanda, memlekettik shekarany kúzetý men qorǵaýdy qamtamasyz etý aıasynda quzyrly organdarmen ózara árekettese otyryp, shekara keńistiginde 3 785 QR zańnamalaryn buzýshylar ustalǵan. Onyń ishinde, 27 shetel azamaty shekarany buzǵany úshin qolǵa tússe, 12 shetel azamaty shekarany buzýǵa árekettengen.
- Memlekettik shekara arqyly 1 248 zańsyz alyp ótý faktileriniń joly kesildi, sonyń ishinde
jalpy salmaǵy 7 kg astam esirtki zattary, jalpy salmaǵy 1 285 kg joǵary sıntetıkalyq esirtki jasaýǵa arnalǵan prekýrsorlar bar.113 – qarýlar men oq-dáriler (5 dana atýǵa jaramsyz, 1 dana atý, 25 dana pnevmatıkalyq, 152 dana sýyq qarý, 105 dana oq-dáriler, 21 dana elektroshokerler);
30 – dinı ádebıet (728 dana);
462 – jalpy somasy 18 mln teńgeden asatyn janar-jaǵarmaı materıaldary (35 000 lıtrden astam);
491 – jalpy somasy 3,1 mlrd teńgeden astam halyq tutyný taýarlary;
115 – jalpy somasy 1,4 mlrd teńgeden astam shetel valıýtasy anyqtaldy, - delingen aqparatta.
Kaspıı akvatorııasynda 29 brakonerlik faktilerdiń aldy alyndy, sondaı-aq 16 dana júzý quraldary, jalpy uzyndyǵy 17,4 km tordy quraıtyn brakonerlik aýlaý quraldary, 139 dana (500 kg) bekire tuqymdas balyqtar tárkilendi. Aldy alynǵan zalal somasy shamamen 196 mln teńgeni quraıdy.
Bul faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi.
Memlekettik shekarada qandaı da bir shekteý sharalary engizilgen joq, barlyq ótkizý pýnkteri shtattyq rejımde jumys isteýde.
Aıta keteıik, jyl basynan beri qos azamattyǵy bar 91 adam shekaradan ótpek bolǵan.