Bıyl Shardara qalasy jerasty aýyzsýyna kóshiriledi
ASTANA. KAZINFORM — Sý resýrstary jáne ırrıgatsııa mınıstri Nurjan Nurjigitov Úkimet otyrysynda Shardara toptyq sý qubyry bıyl shildede tartylyp bitetinin málim etti.
— 2026 jyly 12 jobany aıaqtap, paıdalanýǵa berý josparlanǵan. Bul jalpy halqy shamamen 540 myń adamdy quraıtyn 142 aýyldyq eldi mekendi sapaly aýyzsýmen qamtamasyz etýdi jaqsartýǵa múmkindik beredi. Negizgi nysandardyń biri Shardara toptyq sý qubyry bolmaq, — dedi ol.
Vedomstvo basshysy nysan qurylysy 2026 jyldyń shildesinde aıaqtalatynyn aıtady.
— Osylaısha Shardara qalasy aýyzsýmen jerasty kózderinen qamtamasyz etiledi. Nysan paıdalanýǵa berilgennen keıin qala tolyǵymen jańa sý qubyry arqyly aýyzsýmen qamtamasyz etiledi. Osynyń arqasynda Shardara sý qoımasyndaǵy sý kóleminiń azaıýy turǵyndardy aýyzsýmen qamtamasyz etýge áser etpeıtin bolady, — dedi mınıstr.
Aıta keteıik, búgin Úkimet otyrysynda sý únemdeý tehnologııalaryn engizý sharalaryn pysyqtady.