Bıyl salynǵan qurylystyń 92 paıyzy — turǵyn úıler

ASTANA. KAZINFORM — 2024 jyldyń 4 aıynda oryndalǵan qurylys jumysynyń jalpy kólemi 1,2 trln teńge boldy, bul byltyrǵy jyldyń tıisti kórsetkishinen 12,2% artyq. Bul jaıynda ulttyq statbıýrodan habarlandy. 

Oryndalǵan merdigerlik jumystardyń ishinde qurylystyń jalpy kólemindegi eń úlken úles turǵyn emes ǵımarattar qurylysyna tıesili — 24,3%.

Budan keıin turǵyn úı qurylysy — 14,9%.

Úshtikke avtomobıl joldarynyń qurylysy da kiredi — bul jumys túrleriniń úles salmaǵy 10,9%.

Óńirler bólinisinde oryndalǵan qurylys jumystarynyń (qyzmetteriniń) eń kóp kólemi Atyraý oblysyna tıesili — 268 mlrd teńge, alaıda bul kórsetkish ótken jyldyń sáıkes kezeńinen 6,3% kem.

Sondaı-aq oryndalǵan jumys kólemi boıynsha Astana (127,4 mlrd teńge) jáne Almaty (118,7 mlrd teńge) qalalary kósh bastap tur.

2024 jyldyń qańtar-sáýir aılarynda paıdalanýǵa berilgen nysandar sany — 9 597.

Onyń ishinde 92% — turǵyn úıler, 2% — saýda obektileri, 1% — keńseler, 4% — obektiniń ózge túrleri.