Bıyl rekordtyq kólemde jol jóndeımiz – Marat Qarabaev

ASTANA. KAZINFORM – Úkimet otyrysynda Kólik mınıstri Marat Qarabaev   bıyl elimizde qansha shaqyrym jol jóndeletinin aıtty.

«Bıyl jol jóndeý jáne qurylys jumystary 12 myń shaqyrymdy qamtıdy. Bul buryn-sońdy bolmaǵan rekordtyq kórsetkish bolyp sanalady.

Bul rette, jóndeletin joldardyń 8 myń shaqyrymy – respýblıkalyq, 4 myń shaqyrymy – jergilikti jelige tıesili. Jyldyń sońyna deıin 7 myń shaqyrymda qurylys jáne jóndeý jumystary aıaqtalady», - dedi mınıstr.

Onyń sózinshe, jol jóndeý jobalaryn iske asyrýǵa 35 asfalt-beton zaýyty, 1 656 tehnıka jáne 3 300 jumysshy jumyldyrylǵan.