Bıyl PTR-dıagnostıka ádisi arqyly 36 karantındik nysan anyqtaldy
ASTANA. KAZINFORM – PTR-jabdyqtardy qoldana otyryp, karantındik jáne basqa da asa qaýipti obektilerdiń jasyryn zalaldanýyn anyqtaý úshin basqa memleketterden ımporttalatyn egis jáne tuqym materıalynyń biregeı úlgilerin dıagnostıkalaýdy Ortalyq karantındik zerthana, Almaty, Aqtóbe aımaqtyq karantındik zerthanalary, Saryaǵash qalasynyń shekara ótkelindegi karantındik zerthana, Shyǵys Qazaqstan aımaqtyq karantındik zerthanasy, Shymkent qalasynyń karantındik zerthanasy júrgizedi.
2024 jyldyń basynan bastap QR AShM AÓK MIK Respýblıkalyq ósimdikter karantıni ortalyǵynyń fılıaldary 36 karantındik nysandy anyqtaǵan.
«Sarapshylar PTR ádisi bakterııalardyń nemese vırýstardyń tipti birlik jasýshalaryn anyqtaýǵa, basqa ádistermen (mıkroskopııalyq, ımmýnologııalyq, vızýaldy, jýý ádisimen) múmkin bolmaǵan jaǵdaıda aýrý qozdyrǵyshtarynyń bolýyn anyqtaýǵa múmkindik beretinin atap ótti. PTR ádisi ásirese kýltıvatsııalanatyn, kýltıvatsııalanbaıtyn jáne jasyryn túrde damıtyn mıkroorganızmderdiń túrlerin dıagnostıkadan ótkizý úshin tıimdi», — dep jazdy AShM baspasóz qyzmetinen.
Búgingi tańda RÓKR bazasynda 8 PTR-amplıfıkator bar, olardyń kómegimen bakterıologııalyq, vırýsologııalyq jáne fıtopatologııalyq aýrýlardyń PTR dıagnostıkasy belsendi júrgiziledi, 2025 jylǵa deıingi kezeńde qalǵan karantındik zerthanalardy jaraqtandyrý úshin qosymsha PTR-amplıfıkatorlardy satyp alý josparlanýda.
