Bıyl psıhologııalyq qoldaý ortalyqtary 4 409 azamatqa kómek kórsetti

ASTANA. KAZINFORM – 2026 jyldyń basynan bastap Psıhologııalyq qoldaý ortalyqtary 4 409 azamatqa jeke konsýltatsııalyq jáne psıhologııalyq kómek kórsetti. Bul týraly Oqý-aǵartý mınıstrligi habarlady.

Olardyń ishinde 2 283 bala, 1 196 ata-ana jáne 930 pedagog bar.

- Ortalyqtar Memleket basshysynyń tapsyrmasyna sáıkes elimizdiń barlyq 20 óńirinde jumys istep jatyr. Mamandar mektep psıhologterine ádistemelik qoldaý kórsetip, oqýshylar men ata-analarǵa keńes beredi. Sonymen qatar profılaktıkalyq is-sharalar uıymdastyrady, - delingen aqparatta.

Qazirgi ýaqytta bilim berý uıymdarynyń mamandaryna arnalǵan 3 000-nan astam is-shara ótkizildi.

Aıta keteıik, balalardy psıhologııalyq dıagnostıkalaý boıynsha biryńǵaı tsıfrlyq platforma qurylady.