Bıyl Prezıdent qansha normatıvtik-quqyqtyq aktige qol qoıǵany belgili boldy
ASTANA. KAZINFORM — Memleket basshysy Qasym-Jomart Toqaev 2025 jyly 95 Zańǵa, 388 Jarlyqqa, 80 Ókimge qol qoıdy. Bul týraly QR Prezıdentiniń kómekshisi — Baspasóz hatshysy Rýslan Jeldibaı óziniń Telegram paraqshasynda jazdy.
Bıyl Memleket basshysy 95 Zańǵa, 388 Jarlyqqa, 80 Ókimge, 22 otyrys hattamasyna, 3504 qyzmettik qujatqa qol qoıdy. Olardyń qatarynda Bıýdjet, Salyq, Sý kodeksteriniń jańa redaktsııalary men «Jasandy ıntellekt týraly» Zańdy erekshe atap ótýge bolady.
Sonymen qatar Prezıdent «Túrkistan qalasynyń erekshe mártebesi týraly» Zańǵa, sondaı-aq «Alataý qalasyna damý qarqyny ozyq qala» arnaýly mártebesin berý týraly» Jarlyqqa qol qoıdy.
— Qasym-Jomart Toqaevtyń atalǵan sheshimderi ekonomıkalyq ósimniń jańa ortasyn qalyptastyrýdy, Túrkistandy mádenı-týrıstik ortalyqqa, al Alataý qalasyn joǵary tehnologııalyq ındýstrııasy bar, iskerlik habqa aınaldyrýdy kózdeıdi, — dep jazdy Rýslan Jeldibaı.
Budan buryn QR Prezıdentiniń kómekshisi — Baspasóz hatshysy bıyl Qasym-Jomart Toqaevtyń syrtqy jáne ishki saıasat baǵytyndaǵy qyzmeti óte qaýyrt ári jemisti ótkenin jazǵan edi.