Bıyl poshta men kýrerlik qyzmetten 35,4 mlrd teńge túsken

ASTANA. KAZINFORM — 2025 jyldyń qańtar-mamyr aralyǵynda kóretilgen poshta jáne kýrerlik qyzmet kólemi 35,4 mlrd teńgeni qurady, bul ótken jyldyń sáıkes kezeńimen salystyrǵanda 4,1% artyq. Bul týraly Ulttyq statıstıka bıýro málimdedi.

Onyń 8,6 mlrd teńgesi halyqqa kórsetilgen qyzmetten túsip otyr.

Stat bıýronyń málimetinshe, poshta men kýrerlik qyzmettiń basym bóligi Almaty qalasynda tıesili kórinedi. Jalpy kólemniń 58,9%, aqshalaı mánde bul 20,8 mlrd teńge ekeni belgili boldy. Ekinshi orynda Astana – 4,8 mlrd teńge. 

Aıta keteıik, kýrerlik qyzmet bir jylda 3,3%, al sálemdeme jiberý 17,7% qymbattaǵan.

Aıta keteıik, bıyl Qazaqstanda tamaq jetkizý qyzmetine qatysty talap kúsheıdi. Endi kýrerler arnaıy medıtsınalyq tekseristen ótip, anyqtama alýy shart. Saýda jáne ıntegratsııa mınıstrligi ereje qyzmet sapasyn jaqsartyp, qoǵamdaǵy densaýlyq saqtaý mádenıetin arttyrady dep sendirip otyr. Tolyǵyraq Kazinform tilshisiniń saraptamasynan oqı alasyz.