Bıyl Petropavlda jylýmen problema bolmaıdy - Gaýez Nurmuhambetov

Petropavl jylý elektr ortalyǵyn jóndeýge ınvestor 12 mlrd teńge bóldi. Bul týraly atalǵan Soltústik Qazaqstan oblysynyń ákimi Gaýez Nurmuhambetov aıtty, dep habarlaıdy Kazinform.

«Jylý elektr ortalyǵy týraly aıtar bolsaq, ózińiz biletindeı, 23 qyrkúıekte jumysqa kiristim.Ónerkásip salasyndaǵy adam bolǵannan keıin bir aptadan soń sol JEO-ǵa baryp, jınalys ótkizgen edim. Tútin murjasy dep jatyrmyz ǵoı. 180 metrlik sol murjany kóterý kerek edi. Konkýrstan merdiger kompanııa ótti. Jumystardy istedi. Biraq, murja 36 metrge kóterilgen kezde osten aýytqý bolyp, jumys toqtatyldy. Biraq jumys kestesi bar. Jumys istelip jatyr. Osten aýytqyǵannan keıin ony buzyp jatyr. Jeltoqsannyń 8-de olar zerthananyń sheshimin alýy kerek. Solkezde nóldik deńgeıge deıin murjany qulata ma álde 21 metrdi qaldyryp, ary qaraı kótere me qaraıdy. jalpy 12 mlrd teńge qarajaty bar», - dedi óńir ákimi Ortalyq kommýnıkatsııalar qyzmetindegi brıfıngte.

Onyń atap ótýinshe, atalǵan qarajatty Ortalyq Azııa elektr energııalyq korporatsııasy bólip otyr. Qarajattyń 1,8 mlrd teńgesi tútin murjasyna bólingen. Al bıýdjetten qarajat bólingen joq.

«Elektr jelileriniń tozǵan jaǵdaıy bar. Ekinshi jylý jelisiniń de máselesi bar. Biraq eshqandaı apat, eshqandaı problema osy qysta bolady dep aıta almaımyz. Ondaı problema joq», - dedi Gaýez Nurmuhambetov.