Bıyl Pavlodardaǵy qarbyz alqaptary 2 myń gektarǵa jýyqtady

PAVLODAR. KAZINFORM — Byltyr aýdanda 1190 gektar jerge qarbyz egilse, bıyl bul kórsetkish 1910 gektarǵa jetip otyr. Qazirgi tańda aýdan boıynsha 26 sharýa qojalyq tátti ónim ósirýmen aınalysady.

Pavlodardyń Aqqýly aýdany tátti qarbyzymen tanymal. Onyń ónimderin elimizdiń kórshiles aımaqtary ǵana emes, Reseı turǵyndary da tamsanyp jeıdi.

Aqqýly aýdanynyń ákimi Rýslan Muqanovtyń aıtýynsha, sońǵy jyldary qarbyz alqaby aıtarlyqtaı ulǵaıǵan. 

— Byltyr aýdanda 1190 gektar jerge qarbyz egilse, bıyl bul kórsetkish 1910 gektarǵa jetip otyr. Qazirgi bul ispen aýdan boıynsha 26 sharýa qojalyǵy shuǵyldanyp jatyr. Sharbaqty, ıAmyshev jáne Qaraqala aýyldarynda qarbyzdyń 62 túrli surpy jersingen, — deıdi aýdan basshysy.

Qarbyz gektarynan 40-45 tsentnerden jınalyp jatyr. Qazirgi ýaqytta ónimniń alǵashqy partııasy Astana men Qaraǵandy qalalaryna da jóneltilý ústinde.

Eske sala keteıik, Almaty oblysynda 309 tonna qulpynaı men 15 myń tonnadan astam qarbyz jınaldy.