Bıyl Pavlodarda jylý erte berilýi múmkin

PAVLODAR. KAZINFORM - Oblystaǵy kóppáterli 2472 páterdiń 1893-i jylý qabyldaýǵa daıyn. 20 energııa kózindegi jóndeý jumystary aıaqtalǵan.

Bıyl kúzdiń salqyn bolýyna oraı, oblysta jylý erte berile bastaýy múmkin.

2 472 kóppáterli turǵyn úıdiń 1 893-i nemese 76,5%-y tekserilip, jylý qabyldaýǵa daıyn turǵany anyqtaldy.

Pavlodar qalasynda 270-ke jýyq kópqabatty úı qysqa daıyn emes. Olardyń 190-ynda basqarý formasy joq. Qysqy jylý maýsymyna daıyndyq sharalary 15 qyrkúıekke deıin jalǵasady. Al Ekibastuzda 702 kópqabatty úıdiń 630-y qysqa daıyn.

Óńirlik energetıka jáne turǵyn úı-kommýnaldyq sharýashylyq basqarmasynyń basshysy Erjan Imanzaıypovtyń dereginshe, jalpy sany 376 qazandyqtyń 364-i iske qosylýǵa ázir tur.

Eske sala keteıik, QR Úkimeti Pavlodar, Ekibastuz jáne Aqsý qalalarynda jylý jelilerin salýǵa 9 mlrd teńge bóldi.