Bıyl Pavlodarda 800-den astam sýquzǵyndy atýǵa ruqsat berildi
PAVLODAR. KAZINFORM - Búginde Ertis ózeni boıyndaǵy sýquzǵyndardyń sany 15 myńǵa jetken. Osynshama jyrtqysh qus táýligine 5 tonnaǵa deıin balyqty qylǵytyp qoıady eken.
Pavlodar oblysynda sýquzǵyndardyń kóbeıýi úlken máselege aınalyp keledi. Byltyr ǵalymdardyń keńesi boıynsha Ertis ózeni boıynan 3 myńnan astam meshkeı qus atylǵan. Al bıyl 860 sýquzǵynyn joıýǵa usynys jasalyp otyr.
Mamandardyń aıtýynsha, kúızelis jaǵdaıynda qustardyń jumyrtqa salýy kúrt artady. Sondyqtan olardyń sanyn birden azaıtyp tastaý durys emes.
- Qazirgi ýaqytta oblysta 15 myńdaı sýquzǵyn tirkelip otyr. Bıyl bizge 860-yn atýǵa, keıin olardyń jumyrtqa salýyn baqylaýǵa keńes berilip otyr. Sondaı-aq múmkindiginshe uıalardy buzbaı, jumyrtqalardy «tunshyqtyrý» ádisin qoldaný usynyldy. ıAǵnı, jumyrtqalardyń syrtyna maı jaǵylyp, otteginiń ishke ótýi shekteledi. Onyń áserinen jumyrtqa ishindegi uryqtar ólip qalady. Munyń barlyǵy tehnıkalyq erekshelikterde egjeı-tegjeıli jazylǵan, - deıdi Pavlodar oblysy jer qoınaýyn paıdalaný, qorshaǵan orta jáne sý resýrstary basqarmasy janýarlar dúnıesi bóliminiń basshysy Jasulan Jumashev.
Eske sala keteıik, bir aptadan keıin Ertis ózeninde seń júre bastaýy yqtımal.
