Bıyl Pavlodar oblysynda 33 myń gektardan astam lıman sýlandyryldy

 PAVLODAR. KAZINFORM – Shiderti lımandy sýarý júıesi arqyly júrgizilgen ekologııalyq sý jiberýler aıasynda «Qazsýshar» RMK Pavlodar fılıaly Ekibastuz qalasynyń aýyldyq aýmaǵynda, atap aıtqanda Ekibastuz, Aqkól jáne Saryqamys aýyldyq okrýgterinde, sondaı-aq Aqtoǵaı aýdanyndaǵy Jolboldy, Basqamys jáne Jalaýly aýyldyq okrýgterinde 21 000 gektardan astam jerdi sýlandyrdy. Bul týraly Sý resýrstary jáne ırrıgatsııa mınıstrligi málimdedi.

Sý jiberý sonymen qatar Pavlodar oblysyndaǵy Áýlıekól kólder júıesin, Basentın jáne Shyǵanaq kólderin toltyrýǵa baǵyttaldy. Joǵarǵy Ertis sý qoımalary kaskadynan sý jiberý aıasynda Qolybaev massıvinde Qazan, Saty jáne Malaısary aýyldyq okrýgteriniń aýmaǵyndaǵy shamamen 12 240 gektar lıman sýlandyryldy.

– Pavlodar oblysyndaǵy «Qazsýshar» fılıaly jyl saıyn ekojúıeni saqtaý maqsatynda ekologııalyq sý jiberýler júrgizedi. Bul óńirdiń qorshaǵan ortasy men bıologııalyq ártúrliligin saqtaýǵa, aýyl sharýashylyǵy, mal sharýashylyǵy jáne oblys ekonomıkasynyń damýyna yqpal etedi. Munyń bári jergilikti halyqtyń ál-aýqatyna oń áserin tıgizedi, – dedi Pavlodar oblysynyń «Qazsýshar» fılıaly dırektory Arman Ospanov.

Aıta keteıik, jumysyna salǵyrt qaraǵan «Qazsýshar» fılıaldarynyń basshylary jazalandy.

Qazaqstandyq arheologtar Pavlodar oblysynan saq dáýirine tıesili qola pyshaqtar tapty.