Bıyl Pavlodar oblysynda 11 myńǵa jýyq bala birinshi synypqa barady
PAVLODAR. KAZINFORM — Ertis-Baıan óńirinde 18 maýsymnan birinshi synypqa oqýǵa ótinishter qabyldana bastady. Bilim basqarmasynyń málimetinshe, qujattardy 3 tásilmen joldaýǵa bolady.
Qujattardy qabyldaý eGov portaly, oqu.edu.kz platformasy arqyly, sondaı-aq tikeleı mektepterde júzege asyrylady. Oblystyq bilim basqarmasy barlyq ata-anaǵa qajetti qujattar toptamasyn aldyn ala daıyndaý kerektigin eskertip otyr. Tizimde ótinish, týý týraly kýálik, fotosýret jáne medıtsınalyq anyqtama bar. Munyń bárin bazaǵa júkteý qajet.
— Ata-analar elektrondy júıege qujattardy tolyq emes nemese qate júktep qoıýy múmkin. Mundaı jaǵdaıda mektep ótinishti qabyldaýdan bas tarta alady. Bas tartýdyń barlyq sebepteri ata-ananyń jeke kabınetinde mindetti túrde kórsetiledi. Eger mundaı jaǵdaı oryn alsa, ata-analar qujattardy qaıta júkteı alady nemese jaǵdaıdy naqtylap, túzetý úshin ózderi tańdaǵan mektepke júgine alady, — deıdi Pavlodar oblysy bilim basqarmasynyń bas mamany Aımara Sársembaeva.
Bıyl óńirde 11 myń oqýshyny 1-synypqa qabyldanýy kútilip otyr. Sondaı-aq «3+1» júıesi jumys isteıdi. Bul júıe boıynsha tirkelgen mekenjaıy boıynsha mektep mańynda turatyn úsh bala jáne qalanyń ózge aýdanynan bir bala qabyldanady.
Eske sala keteıik, Almaty mektepterinde 30 myń oqýshy orny jetispeıdi.
