Bıyl Pavlodar kolledjderinde tegin oqýǵa memlekettik tapsyrys kólemi 37%-ǵa ulǵaıdy

PAVLODAR. KAZINFORM — Ertis-Baıan óńirinde kolledjderde tegin oqýǵa memlekettik tapsyrys kólemi 37%-ǵa nemese 6 200 orynǵa ulǵaıyp otyr. Syrttan kelgen stýdentter jataqhanamen, tamaqtanýmen jáne jol aqysy úshin ótemaqymen qamtamasyz etiledi.

Osy jyldyń 1 qyrkúıeginen bastap kolledj stýdentteri úshin stıpendııa taǵy 50%-ǵa ósedi. 250 myń teńgege deıin jalaqy tólenetin tájirıbe qarastyrylǵan, bul rette tájirıbeden ótken kezeńi eńbek ótiline esepteledi.

«34 kolledjde «Kreatıvti ındýstrııa» mamandyqtary boıynsha sertıfıkat beriletin «Jańa kásipter men quzyretterdiń óńirlik atlasy» jobasy iske asyrylyp jatyr. Óńir kásiporyndarymen ózara qarym-qatynastyń arqasynda túlekterdiń 96%-y jumysqa ornalastyryldy. Óndiristik tájirıbeni izdeý boıynsha aqparattyq platforma ózdiginen izdeýdi avtomattandyrdy jáne kóptegen adamdarǵa jumys tabýǵa kómektesti», - dep habarlady oblystyq ákimdikten.

Óńirde 10 myńnan astam jańa jumys oryndaryn qurýǵa múmkindik beretin negizgi ınvestıtsııalyq jobalar iske asyrylyp jatyr. Munda jumys berýshilermen yntymaqtastyq óte mańyzdy ról atqarady. Mysaly, ERG kompanııasymen jasalǵan memorandým aıasynda 8 kolledj tehnıkalyq jáne kásiptik bilim alyp shyǵatyn «Ámbebap mamandardy» daıarlaıdy.

Eske sala keteıik, bıyl Pavlodar oblysynda orta mektepterdi — 4322, negizgi mektepterdi 10 778 túlek támamdaıdy.