Bıyl Ózbekstannan Astana men Túrkistanǵa qatynaıtyn avtobýs marshrýty ashylady

TAShKENT. KAZINFORM – Bıyl Ózbekstan 10 jańa halyqaralyq avtobýs marshrýtyn ashýdy josparlap otyr, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstannyń Kólik mınıstrliginen málim etkendeı, myna baǵyttar boıynsha avtobýs qatynasyn jolǵa qoıý josparlanǵan:

• Buhara - Astana;

• Samarqand - Túrkistan;

• Buhara - Túrkistan;

• Shahrısabz - Túrkistan;

• Samarqand - Bishkek;

• Buhara - Bishkek;

• Samarqand - Dýshanbe;

• Buhara - Dýshanbe;

• Tashkent - Ýfa;

• Tashkent - Krasnodar.

Aıta keteıik, búgingi tańda Ózbekstannan Qazaqstan, Reseı, Qyrǵyzstan jáne Tájikstanǵa 37 baǵyt boıynsha 196 avtobýs qatynaıdy.